Mánuður til stefnu

∇ Flokkur:Annað |Engin ummæli |

Nú dag er um mánuður í Menningarnótt og þar af leiðir er mánuður í að við hellum okkur út í að taka upp.

Eins og staðan er í dag vantar okkur ennþá þátttakendur en sem stendur eru 25 í hópnum. Miðað við það hvað við höfum lítið auglýst þetta enn sem komið er erum við bara sáttir við fjöldann en betur má ef duga skal. Ef þið vitið af einhverjum sem vilja vera með, endilega hnippið í þá og biðjið þá um að skrá sig sem fyrst.

Við munum svo á allra næstu dögum senda fréttatilkynningu til fjölmiðla. Við vonumst eftir því að það skili góðri umfjöllun og að hrina umsókna skelli yfir okkur. Ef það gengur eftir þá ætti hópurinn að vera fullskipaður innan tíðar.

Gunni

 

Neikvætt svar frá Heimsmetabók Guinnes barst í dag kl. 11.11

∇ Flokkur:Annað |Engin ummæli |

Dear Mr Sveinbjornsson,

Thank you for sending us the details of your recent record proposal for ‘Most cameras recording an event’. We are afraid to say that we are unable to accept this as a Guinness World Record.

We receive over 60,000 enquiries a year from which only a small proportion are approved by our experienced researchers to establish new categories. These are not ‘made up’ to suit an individual proposal, but rather ‘evolve’ as a result of international competition in a field, which naturally accommodates superlatives of the sort that we are interested in. We think you will appreciate that we are bound to favour those that reflect the greatest interest.

We realise that this will be disappointing to you. However, we have considered your application carefully; in the context of the specific subject area, and that of records as a whole and this is our decision.

Guinness World Records has absolute discretion as to which Guinness World Record applications are accepted and our decision is final. Guinness World Records may at its discretion and for whatever reason identify some records as either no longer monitored by Guinness World Records or no longer viable.

As your record application has not been accepted, Guinness World Records is in no way associated with the activity relating to your record proposal and we in no way endorse this activity. If you choose to proceed with this activity then this is will be of your own volition and at your own risk.

Once again thank you for your interest in Guinness World Records.

Yours sincerely,

Ralph Hannah

Records Management Team

Þetta var heldur aldrei tilgangurinn við höldum ótrauð áfram, mig langaði bara að deila þessu með ykkur.

Hebbi

 

Styrkir farnir að berast.

∇ Flokkur:Annað |Engin ummæli |

FRÉTTIR

Sæl öll,

Vorum á pepp-fundi með fólkinu frá Höfuðborgarstofu á fimmtudaginn var og fengum staðfest að við fáum styrk frá þeim í verkefnið. Það er vonandi byrjunin á einhverju. Við eigum eftir að sækja um hjá töluvert af fyrirtækjum og eftir að fá svar frá einhverjum. Þið fáið að fylgjast með  hér á síðunni.

Einnig fengum við þær upplýsingar að tónleikarnir byrji kl. 19.30 og standa yfir til 23.00, og verða þeir á Klambratúni líkt og í fyrra. Það er ekki alveg komið á hreint hvaða hljómsveitir verða, en nöfn eins og Þursaflokkurinn, Hjaltalín og Bloodgroup hafa verið nefnd, ekki hanka mig á því samt.

Þar sem við verðum að gera þetta áður enn fer að rökva held ég að við ættum að reyna að byrja fljótlega upp úr kl. 20.00. Samkvæmt reiknivél veðurstofunar sest sólin kl. 21.14 þannig að persónulega held ég að klukkutíminn milli 20.00 og 21.00 sé málið.

Hvað haldið þið?

Kveðja

Hebbi

 

Umsóknarformið að valda vandræðum

∇ Flokkur:Annað |1 ummæli |

Eitthvað hefur borið á því að umsóknarformið hafi skilað villu eða að pósturinn berist ekki til okkar. Ekki hefur ekki tekist að einangra vandann enn sem komið er en ef einhver lendir í vandræðum við að senda inn umsókn eða ef svar hefur ekki borist eftir sólahring prófið þá að senda póst beint á umsokn@projecthundred.com.

 

Fer 100 verkefnið í heimsmetabækurnar?

∇ Flokkur:Annað |Engin ummæli |

Við ákváðum að athuga hvort það væru einhverjar forsendur fyrir því að koma þessu í Heimsmetabók Guinnes. Hugmyndinni var vel tekið en þeir taka sér 4 til 6 vikur að gera upp við sig hvort þetta sé verðugt verkefni.

Fylgist með til að sjá hvort af verður.

Ef svo fer að þeir hjá Guinnes samþykki verkefnið geta þeir sem taka þátt keypt sér Diplómu á 10 pund eða 1500 ísl. kr. rammað inn og hengt upp á vegg hjá sér. Ég er alla vega tilbúinn með 1500 karlinn.

Hebbi

 

Viðtal í Kviku

∇ Flokkur:Annað |Engin ummæli |

Í gær, laugardaginn 31. maí, var viðtal við tvo meðlimi verkefnisins, þá Reyni Þorvaldsson og Herbert Sveinbjörnsson, í útvarpsþættinum Kviku á Rás 1 þar sem að þeir voru spurðir út í verkefnið.

Viðtalið er að finna á ruv.is

 

Velkomin(n)

∇ Flokkur:Annað |Slökkt á athugasemdum við Velkomin(n) |

Verkefnið Hundrað felst í samvinnu hundrað myndatökumanna sem festa tiltekinn atburð á mynd, í þessu tilfelli tónleika á Menningarnótt í Reykjavík, frá hundrað sjónarhornum. Öllum er velkomið að taka þátt í verkefninu, allt frá vistfólki á Grund til barna á Njálsborg. Ef þú átt MiniDV myndbandstökuvél en kemst ekki, skaltu lána barninu þínu eða pabba gamla hana og senda þau í staðinn.

Reynt verður að halda stutt námskeið í kvikmyndatöku fyrir atburðinn þar sem Herbert Sveinbjörnsson og Ísak Jónsson kvikmyndagerðarmenn ætla að ausa úr skálum visku sinnar eftir bestu getu. Þar verður farið yfir helstu atriði myndatöku en svo er það alfarið í ykkar höndum hvort þið farið eftir þeim leiðbeiningum.

Eftir tónleikanna verður spólunum safnað saman og klippt verður 55 til 60 mín. kvikmynd úr efninu. Myndin verður svo frumsýnd með pomp og pragt og verður þér ásamt þínum nánustu boðið. Svo er ætlunin að senda myndina á kvikmyndahátíðir um víða veröld, líka á heimildarmyndahátíðina Skjaldborg á Patreksfirði, sýna hana á menningarnótt árið 2009 og að lokum verður hún sett á netið með hvatningarorðum til fólks í öðrum löndum um að endurtaka leikinn í sínu landi og setja á síðuna okkar.

Sendu okkur skilaboð með upplýsingum um nafn, aldur og símanúmer ef þú hefur áhuga á að vera með í því að brjóta blað í sögu kvikmyndanna.

Með góðri kveðju,

Heimildarmyndaklúbburinn Hómer

 

Hundrað manns… Hundrað myndavélar… Einn atburður…

∇ Flokkur:Annað |Engin ummæli |

 

« Fyrri síða
Færslur RSS | Ummæli RSS